Wednesday, May 20, 2020

මීමැස්සා සහ සියුස්

දිනය: නොදනි

අවස්ථාව: සියුස් හා හේරාගේ විවාහ මංගල්ලය

ග්‍රීක දෙවිවරුන් විවාහ වුයේ ඔවුනොවුන්ගේ සහෝදර සහෝදරියන් සමග/ එමනිසා සියුස් හා හේරා යන එක කුස උපන් දරුවන් දෙදෙනා කාලයක් බිරිඳ හා සැමියා ලෙසින් සිටියද ඔවුන් විවාහ වී සිටියේ නැහැ. මේ නිසා ඔවුන්ගේ දරුවන් දෙදෙනෙක්ගේ විවාහ මංගල්ලයක් දිනයේ දී ම ඔවුනුත් විවාහ වීමට සියල්ල සූදානම් කරනවා. මෙයයි පළමු විවාහ මංගල්ලය. ඒ නිසා සෑම දෙනාටම මෙය නවමු අත්දැකීමක්. සියලු දෙවිවරු මෙන්ම සතුන් ද කුඩා කුඩා කෘමීන් ද උජාරුවට හැඳ පැළඳගෙන මෙම විවාහ මංගල්ලයට පැමිණ සිටියා. ප්‍රථමයෙන් ඇෆ්රොඩයිට් හා හෙෆස්ටස් විවාහ වූ අතර ඉන්පසු සියුස් හා හේරා විවාහ විය. දැන් එළඹීමට නියමිතව තිබෙන්නේ උත්සවයේ වැදගත්ම අංගයක්. ඒ ආහාර පිසීමේ තරඟය…!

මොකක්..! ආහාර පිසීමේ තරගයක්…!

ඔව්. මේ පළමු විවාහ මංගල්ලයේ සතුට නිමිත්තෙන් ඔවුන් ලැහැස්ති කර තිබුනේ ආහාර පිසීමේ තරඟයක්. මේ තරඟයට බොහෝ දෙනා තම රහස් සංයෝග ආදිය දමා තමන් මෙතෙක් පිසින ලද රසවත් ම ආහාරය තරඟයට ඉදිරිපත් කර තිබුනා.

සියුස් හා හේරා එක් එක් තරඟකරුවන් ළඟට ගොස් ඔවුන්ගේ ආහාර ස්වල්පය බැගින් තොල ගාමින් රස බැලුවේ ආහාර රස පරීක්ෂාවට පුරුදු පුහුණු වූවන් මෙනි. මේ අය ළඟට ගොස් රස බලා එය අනුමත කරමින් හිස සැලුව ද ජයග්‍රාහකයා ඒ අයගෙන් කෙනෙක් නොවේ.

තරඟයට ඉදිරිපත්ව සිටියා ලැජ්ජාවෙන් ඇඹරෙමින් සිටි කුඩා සත්වයෙක්. ඇය නමින් ‘මෙලිස්සා’. ඇය කුඩා බඳුනක් සියුස් වෙත පිරිනැමුවා.

තරමක් කහ පැහැති උකු ද්‍රාවනයක්. සියුස් හැන්දක් ඒ තුලට දමා රස බැලුවා. “ම්ම්ම්…. පයින් ගසෙන් හදපු එකක් වෙන්න ඕන”

නමුත් එය පයින් ගසෙන් ගත් යුෂ නොවේ. වෙනස් ආහාරයක්. අලුත් ආහාරයක්. නැවත නැවත කෑමට රුචිය වඩවන ආහාරයක්. සියුස් දෙවෙනි වරටත් බඳුනට හැන්ද දමා රස බලයි. හේරා රස බලන විට ඇයගේ මුහුනෙන් පෙනුනේ ඇය වෙනත්ම ලෝකයකට යන ආකාරයක්. මෙලිස්සා මෙම ආහාරය නම් කර තිබුනේ ‘මී පැණි’ ලෙසයි. සියුස්ට හා හේරාට තවත් තරඟකරුවන්ගේ ඉදිරිපත් කිරීම් බැලීමට උවමනා වූයේ නැහැ. ජයග්‍රාහකයා කව්ද කියා දැන් ඔවුන් දෙදෙනාට ප්‍රත්‍යක්ෂ වී අවසානයි.

සියුස් මී පැණි බඳුන අතැතිව “ම්ම්ම්… අද තර…ඟයෙන්…. ජයග්‍රහනය කරන්නේ…. ම්ම්ම්…මී…. පැණි….”

සියලුම දෙනා බලාහිඳින විට මෙලිස්සා වේදිකාව මැදින් සියුස් වෙත පිය මැන්නා. ඒ ඇයගේ ත්‍යාගය ලබා ගැනීමට. ඒ වෙනකක් නොව තමන් කැමති වරමක් ඉල්ලීම. ඇය තම කුඩා පිහාටු වලින් ඉඟිලී සියුස්ගේ පාද පාමුලට පැමිණියා. එතැනට පැමිණි පසු ඇය තවත් කුඩාවටයි පෙනුනේ. දැන් රැස්ව සිටින සැවොම බලා සිටින්නේ ඇයගේ ඉල්ලීම කුමක් ද කියා දැනගැනීමට.

“දේවයන් වහන්ස, මගේ මේ ආහාරය ඔබ රසවිඳීම මට මහත් සතුටක්. නමුත් ඔබතුමාට කිවයුතුයි මෙය කොතරම් අපහසු කාර්යයක් ද යන වග. මම මලින් මලට පියඹා ගොස් එහි මල් පැණි උරා ගත යුතුයි. ඉන්පසු ඒවා මගේ නිවහන වෙත ගෙන එනවා. නැවතත් මලක් සොයා ගොස් එහි මල් පැණි උරා නැවත නිවස වෙත එනවා. එසේ දිනපතා ගව් ගණනාවක් මට පියාඹන්න සිදුවෙනවා. ආලෝකය තිබෙන තුරු මම සෑම දිනයකම එසේ සිදු කරනවා. එසේ සිදු කර දිනය අවසානයේ මගේ රහස් ක්‍රමවේදයෙන් මී පැණි නිපදවන විට සෑදෙන්නේ ඉතා කුඩා ප්‍රමානයක්.

ඔබ වෙනුවෙන් මම සෑදූ කුඩා බඳුන පිරවීමට මට සති හතරහමාරක් ගත වුනා. මේ මී පැණි වල සුවඳට කැලෑවේ සත්තුත් වහ වැටිලා ඉන්නේ. ඒ නිසා නිතරම මගේ නිවසට සත්තුන්ගෙන් එන හිරිහැර එමටයි. මම කියල මොනවා කරන්නද. කෑ ගහලා එලවගන්න හදනවා මිසක්. වළහෙක් එහෙම ආවොතින් මගේ සතියක මහන්සිය එක මොහොතකින් සුන් වෙනවා. ඉතින් සියුස් මගේ දෙවියනි, මගේ මේ ආහාර වලට එන සතුරන්ව විනාශ කරන්න මට විෂ සහිත ආයුධයක් ලබා දෙන්න?”

මෙය ඇසූ සියුස්ට දැඩි කෝපයක් ඇතිවිය. අහස අඳුරු වී රැස්ව සිටි සියල්ලෝම බියට පත්විය. තිතක් වැනි මේ කුඩා කෘමියා සියුස් දෙවියන්ගෙන් එවන් දෙයක් ඉල්ලන්නේ කෙසේ ද?

“කාලකණ්ණි කෘමියා, ඔබ එවැනි දරුණු ඉල්ලීමක් මගෙන් ඉල්ලන්න හිතට ධෛර්යය ගත්තේ කොහොමද? මේ වගේ හැකියාවන් තියෙන්නේ අන් අයත් එක්ක බෙදාගන්න. නැතුව හංගගෙන ඉන්න නෙමේ…”

“ඒත් ඔබතුමා කීවනේ මගේ ඉල්ලීම ඉටු කරනවා කියල”

සභාවේ රැස්ව සිටි සියල්ලන් පුදුමයට පත්විය. සියුස් දෙවියන්ගේ වදනකට එපිටින් දෙයක් කීමට මීට පෙර කිසිවෙක්ට ශක්තියක් තිබුනේ නැත. නමුත් මේ මියයන කුඩා ජීවියා තා අයිතිය වෙනුවෙන් හඬ නගයි. සියුස් එම දරුණු ඉල්ලීමට විරුද්ධව හඬ නගයි.

“මොකක්ද කිව්වේ…? මේ වගේ දරුණු ඉල්ලීමක් ඉටුකරන්න මම කොහෙදිවත් පොරොන්දු වුනේ නැහැ.”

මෙලිස්සාගේ බලාපොරොත්තු සුන් විය.

“නමුත්” සියුස් හඬ නගා “මම ඔබට විෂ තුඩක් ලබාදෙනවා. ඒකෙන් ඔබ දෂ්ට කරන කෙනෙක්ට ඉතා දරුණු වේදනාවක් ගෙන දෙනවා වගේම ඔබට සහ ඔබගෙන් පැවත එන අයට ඒ නිසා මරණය අත්වෙනවා”

අහසේ අඳුර කෙමෙන් නැති විය. සැමගේ බිය කෙමෙන් කෙමෙන් දුරු විය. මෙලිස්සා හට තම සිරුරේ යම් වෙනසක් සිදුවී ඇති බව හැඟී ගිය බැවින් ඇය පිටුපස හැරී බැලුවා ය. දිගැටි කූරක් මෙන් විෂ සහිත තුඩක් දක්නට ලැබුණි. එයයි ඇයගේ ත්‍යාගය.

අදටත් ග්‍රීක භාෂාවෙන් මී මැස්සන් හදුන්වන්නේ මෙලිස්සා යන වචනෙන්. මී මැස්සෙක් දෂ්ට කිරීමෙන් පසු ඌ තම විෂ තුඩ සමෙන් ගැලවීමට උත්සහ කිරීමෙන් පසු මිනිත්තු කිහිපයක් තුළ මියයයි. මී මැස්සන් අයත් වන්නේ Hymenoptera නම් සත්ව කාණ්ඩයට. එය බිඳී එන්නේ hymen සහ ptera යන ග්‍රීක් වදන් වලින්. Hymeno යනු විවාහයට සම්බන්ධ ග්‍රීක දෙවියෙක් වන අතර Ptera යනු පිහාටුයි.

ඒක නෙමේ අද මැයි 20 මී මැසි දිනය…!  



9 comments:

  1. හරිම පුදුමයි!

    මී මැස්සන් ගැන නෙවෙයි. ඔයා ගැන.
    ග්‍රීක පුරාවෘත හොයා-හොයා කියවන රසිකයෙක් වෙන මට මෙච්චර කාලෙකට මා කියවූ කිසිම ලිපියක, පොතක-පතක හෝ නැරඹු චිත්රපටයකවත් මේ කතන්දරේ හමු වෙලා නැහැනේ.

    ස්තුතියි, මිතිල. මේ කතාව අපට කිව්වාට ගොඩක් ස්තුතියි.

    ReplyDelete
  2. Replies
    1. බොහොම ස්තූතියි අසංග අයියේ ගොඩවැදුනට...

      Delete
  3. සල්ලි හොයන්න ගිහින් බොරු බේගල් වලට රැවටුනාද, එහෙනම් එන්න අව්රුදු ගානක් එකදිගටම සල්ලිගෙවන මේ සයිට් එකට. ආපුගමන් නම් සල්ලි නිකන් දෙන්නෑ. ඒක කොයිකෙත් එහෙමයි. මේක දිගටම කරගෙන ගියොත් ටික ටික කරගෙන ගියහැකි. මම 2014 ඉදන් වැඩ. බොරු කාරයොන්ට අහුවෙන හින්දයි මේක දාන්නේ. මොකද මාත් ඉස්සර හොදට අහුවුණා, මෙන්න මගේ ඉමෝ නම්බරේ 0750990262 ඉමෝ විතරක් Chat කරන්න. හැමදේම මුල ඉදල කියල දෙනව. සල්ලිගත්ත proof පෙන්නනවා. මේ ලින්ක් එකෙන් ගිහින් Email දීල රෙජිස්ටර් වෙලා මාව Contact කරගන්න.පියවරෙන් පියවර හැමදේම මේකෙ තියනව. Link - https://americanblogreaders.blogspot.com/2020/05/online.html කරගන්න අමාරු නම් කියල දෙන්නම්. ජය වේවා !

    ReplyDelete
  4. ග්‍රීක කතා අහලා තිබුනට මේක අහලා තිබුනේ නැහැ. ඇත්තටම ලස්සනයි ඒ කතාවත්.පුළුවන් නම් හර්කියුලිස්ගේ කතා පෙළත් දාන්නකෝ

    ReplyDelete
    Replies
    1. ඉස්සරහට ග්‍රීක කතා ටිකක් ලියන්න තමා හිතන් ඉන්නේ.. වැඩිය අහල නැති ඒවා...

      Delete

ඉතිහාසය වෙනස් කළ මිත්‍යා රජු : ප්‍රෙස්ටර් ජෝන්

  “අපි කුළු බඩු සහ ක්‍රිස්තියානින් සොයා පැමිණෙමු.” මෙසේ කියා වස්කෝ ද ගාමා ඉන්දියාවට පැමිණි බවයි ඉතිහාස වාර්තා වල සදහන් වන්නේ. නමුත් ඔවුන් ...