Friday, April 22, 2016

ගගී නිසදැස් එකතුව - 1 කොටස

පහත සදහන් නිසඳැස් සියල්ල ගංඟා කුමාරි පෙරේරා විසින් පබඳන ලදි.

අහිමි වන තනතුර
සිතා සිය ,
විසල් අන්තපුරයේ
කරනට අගය රිසිසේ
මැලිවු අගරජ, කියමි මෙලෙසේ..,,
වුවත් නුඹ රජ ,සියළු
පුරයේ
නුඹ රජෙක් නොව,
මිනිසෙක්ම පමණකි
මෙමා හට , මා අසල ඇසුරේ.
~ගගී~

 ඔබ ඔ ලෙස
බලන කළ මා දෙස
නොගෙන ලයෙහී හුස්ම
සිතෙයි මට ලියනට
සොදුරැ පද දහසක්
එකවර...,
සම්මතයෙ සිරවිය
වදන් වැල් ගොළු විය
සිතෙහීම වැළලිය
අමතකම කරලිය.
~ගගී~

තරැ නොමැති අදුරේ
ඉකිලලා මා හෙළු
කදුළු මුතු එකතු කර,
මාලයක් ගොතාලා
සිනහවේ ගෙලේ ලා
හැඩ බැලීමි මා
කාලයේ කැඩපතින්.
~ගගී~

මේ විසල් සාදයේ
මී බදූන් උතුරා හැලේ
රොන් උරා බොන බිගුන්
වර්ණ මල් දස අතේ
නෙත් නුරා කැන් ගලයි
මදුවිතින් මත් මතින්
නුරාවයි සුරාවයි
මවයි උන් දිව්ලොවක්
එවන් වූ තුසිතයේ
එක් රැවක් තනිවෙලා
දෑස් අග කදුළතින්
හාත්පස බල බලා
නොසන්සුන් වූ සිතින්
සොයන්නෙ කාවදෝ!
අහිංසක සින්ඩරෙල්ලා!
~ගගී~

දසුන!

මහ බලැති සිංහයෙකු
වුව,
 සත්වෝද්‍යාන
නළුවෙකු වූ පසු,
ඒ තෙදින් පල කිම?
මුදල් දී නරඹා
සතුටු වනවා හැර!
අහෝ කෙසරිදු,
නුඹ නළුවෙකු වූයේ
නුඹෙ කැමැත්තෙන්මද?
~ගගී~


අ( හිමි)

නන් රස මසවුළු තබා
උනු බත් පිඩක්වත්
හිමි නැති මා,
කුමකටද හඩන්නේ
වීදුරැ පළගානකට!
~ගගී~


ඉටු නොවූ ඉල්ලීම!

ඉල්ලුවේ සුළු දෙයයි,
නොදුන්නෙත් ඒකමයි.
පැරදුනෙත් නෑ තමයි
ඒ වුනත් දුක මටමමයි

මිළ කලේ ඔබ මිතුදමයි
මා ලබා දුන් සෙනෙහසයි!
නොතැකුවත් ලෙස මාව කොයි,
අනේ මා නම් එලෙසමයි!
😊😊😊😊😊😊


ලොවේ මේසා
දුක් විපත් පැමිණෙද්දි,
දුක් අදෝනා ඇසෙද්දී
නෑසු කන්ව,
සුවසේ සැපසේ
රන් පිරැවට හැද,
දේවාලයේ වැඩ හිදින,
තිස්තුන් කෝටියක්වූ
මහානුභාව දෙවියන්,
පිළිසරණක් යැද,
මා තැබූ තඹ කාසියට,
සොච්චම් පළතුරැ වට්ටියට,
බැළුම්ලා, ඇළුම් කර,
සවන් දේවිද?
සරණ වේවිද?
~ගගී~


2 comments:

  1. ස්තූතියි අක්කේ...

    ReplyDelete
  2. හොදට ලියලා තියෙනවා. එළ.. ජය වේවා ඔබට! ඉතිරි කොටස් බලාපොරොත්තුවෙන් ඉන්නවා!

    ReplyDelete

දිනෙන් දින දියවී යන වව්නියාවේ කොක්එළිය ගම්මානය

වව්නියා නගරයෙන් තරමක් ඈත්ව පිහිටි ගම්මානයකි කොක්එළිය ගම්මානය. කොක්කු සිටි වෙල් එළිය පසු කාලීනව කොක්එළිය වී ඇත. අවට ගම්මාන අතුරින් ඇති එකම සි...